የኮሌራ ስርጭት እና ሞት በኢትዮጵያ ፤ ዋና ዋናማህበራዊ ፣መዋቅራዊ እና ህብረተሰባዊ እሳቤዎች

በኢትዮጵያ ፌዴራላዊ ዴሞክራሲያዊ ሪፐብሊክ በዚህ ወቅት የሚጣው የኮሌራ ወረርሽኝ የጀመረው በነሐሴ 2014 ዓ.ም. ነው። እስከ ሚያዝያ 2016 ዓ.ም. ድረስ በአብዛኛዎቹ የሀገሪቱ አካባቢዎች በርካታ ወረርሽኞች በተለያዪ የሀገሪቱ ክልሎች ተመዝግበው ነበር። ከእነዚህም መካከል አማራ ፣ድሬደዋ ፣ ሐረሪ ፤ ኦሮሚያ፤ የደቡብ ብሔሮች ፣ ብሔረሰቦችና ሕዝቦች (ደ/ብ/ብ/ሕ)፤ ሶማሊ እና ትግራይ ክልሎች ይጠቀሳሉ። ይህ አጭር ጥናታዊ ፅሁፍ የተዘጋጀው የኮሌራ ኢንፌክሽንን ለመከላከል እና የሞት ምጣኔን ለመቀነስ የሚደረጉ ጥረቶችን ለማገዝ የሚረዱ ማህበራዊ ፣ መዋቅራዊ እና ህብረተሰብ ተኮር አውዶችን በመቃኘት ነው። ይህን ጽሑፍ ማህበራዊ እና ባህላዊ ሁኔታዎች በመዳሰስ ፣ የበሽታ ስርጭት መረጃን በመተንተን ፣ ትምህርታዊ እና ጥናታዊ ጽሁፎችን በመቃኘት እና በኢትዮጵያ ያሉ የኮሌራ ወረርሽኝ ምላሽ ባለሙያዎችን በማማከር ማዘጋጀት ተችሏል።